Valora Consultores, Emalcsa e Tecdesoft únense para poñer en marcha o proxecto iECOCITY. Un proxecto que profunda nas necesidades que a sociedade, as empresas e os gobernos teñen en materia de sustentabilidade (cambio climático, saúde ambiental, xestión de recursos,…). O obxectivo do proxecto é desenvolver os sistemas de captación automatizados de información de consumos enerxéticos e de auga por elemento consumidor dentro da cadea de valor nunha peme, que permita identificar os perfís de consumos, a relación real entre consumos auga-enerxía, que permita, a partir da definición da mostra representativa para obter resultados poboacionais nun cidade, obter información sobre pegadas de carbono e hídricas da cidade, consumos de enerxía e auga absolutos e relativos, e establecer os potenciais de aforro de enerxía actuando sobre o parámetro auga. Todo iso explotando a información en función dos diferentes colectivos que a consumirán (cidadáns, xestores municipais e pemes).

Socios do proxecto:

EMALCSA:

EMALCSA é subsidiaria da antiga mercantil Augas da Coruña, S.A. creada no ano 1903. A actual compañía xorde dun proceso de municipalización, consolidado no ano 1977. O principal obxecto da compañía na prestación dos servizos relacionados con ciclo urbano da auga na Coruña e a súa contorna, ademais de servir de base para o desenvolvemento doutras iniciativas relacionadas coa prestación de servizos no ámbito municipal. Desde o ano 1903 vén prestando ininterrompidamente os servizos de abastecemento de auga á cidade da Coruña, asumindo todos os investimentos necesarios para a súa correcta prestación. A partir dos anos 60 a compañía expande a súa actividade prestando servizos de auga en alta aos concellos da súa contorna metropolitana. A partir da década dos anos 90 do pasado século iniciouse unha crecente actividade relacionada coa xestión de actividades municipais, a rede de sumidoiros, os sistemas de recadación de taxas e finalmente a depuración de augas residuais. Na actualidade exponse un proxecto de posta en valor do seu coñecemento a través de diferentes iniciativas de innovación, así como a proxección do seu modelo de negocio, tanto desde o punto de vista de novos servizos cidadáns, como da súa actividade principal a nivel nacional e internacional.

VALORA:

Valora Consultores, é unha empresa galega, que naceu en 2002, co obxectivo de liderar a integración de solucións que conxugasen innovación e sustentabilidade nos modelos de negocio dos seus clientes. Neste enfoque foi pioneira a nivel nacional, achegando solucións desde a visión estratéxica da sustentabilidade como factor de cambio e posicionamento organizacional, ás solucións operativas en ecoinnovación e ecodiseño, mediante o desenvolvemento de novos produtos e solucións. Para acompañar este desenvolvemento de negocio, deseñaron novas ferramentas de análises do impacto ambiental e a ecoinnovación, baseadas en Análise de ciclo de vida, pegada ecolóxica e risco ambiental. Este enfoque especializado permitiulles ser provedores de destacadas multinacionais españolas, como Grupo INDITEX, ao que se apoiou no deseño do seu Plan Estratéxico de Sustentabilidade, na investigación para o deseño e desenvolvemento da súa Tenda Ecoeficente a nivel mundial e para a aplicación de criterios de ecodiseño e ecoproducción aplicados á fabricación de calzado. Na actualidade desenvolvemos traballos a nivel internacional no marco da Sustainable Apparel Coalition (asociación integrada por 60 líderes mundiais, como Nike, Adidas, H& M, Gap, Wal Mart,…), para o desenvolvemento dun modelo de xestión empresarial sustentable en empresas e en produtos. Na actualidade, Valora Consultores está formada por un Equipo Humano de 38 profesionais cunha dilatada experiencia en xestión da sustentabilidade e a innovación aplicada a organizacións públicas e privadas. Estes profesionais aglutinan un coñecemento que permite ofrecer un servizo integral e completo de alto valor engadido a entidades de distintos sectores e diversas naturezas, públicas e privadas, pemes e grandes empresas.

TDS:

TDS, S.A. é unha empresa con 25 anos de experiencia en automatización de procesos industriais nun gran abanico de sectores, (enerxético, auga, minería, taboleiro, aluminio, aceiro, automóbil). Desenvolve aplicacións a medida do cliente en toda a cadea de valor do proceso de automatización, desde a instrumentación sensórica ata a entrega do dato procesado aos sistemas ERP da empresa, pasando por todo o sistema de adquisición, procesado por PLC, controlador PAC, DCS…sistemas de interface Home/Máquina HMI SCADA e sistema de Nivel II ou sistemas MES para industria 4.0. Así mesmo conta con departamento de deseño electrónico, onde se deseñan e fabrican sistemas electrónicos para grandes tiradas. É hoxe en día un dos actores de referencia no mundo da automatización industrial en Galicia, con gran presenza nas principais industrias da nosa comunidade.

Para restablecer o contrasinal da súa conta, debe encher a caixa de texto que se ilustra a continuación co seu nome e correo electrónico para que o administrador poida restablecela.

Podemos definir Ecoinnovación como o xeito de innovar dende unha perspectiva ecolóxica, coa que poder reducir o impacto sobre o medioambiente. Poderíase dicir que é a busca de novas vías para lograr un desenvolvemento máis sostible.

O obxectivo é reducir o impacto medioambiental e facer un mellor uso dos recursos. Isto significa entre outras cousas:

• Desenvolver produtos, técnicas, servizos e procesos que reduzan as emisións de CO2
• Usar os recursos eficientemente
• Promover a reciclaxe

A pegada de carbono é un dos indicadores ambientais utilizados para avaliar o impacto sobre o planeta. Pretende cuantificar a cantidade de emisións de Gases de Efecto Invernadoiro (GEI), medidas en emisións de CO2 equivalente, que son liberadas á atmosfera debido ás nosas actividades cotiás ou á comercialización dun produto.

Pódese calcular a pegada dun produto, dun servizo ou dunha organización. Cal poden ser as diferenzas?

• Organización: mide a totalidade dos Gases de Efecto Invernadoiro (GEI) emitidos por efecto directo e indirecto provenientes do desenvolvemento da actividade da devandita organización.

• Produto: mide os Gases de Efecto Invernadoiro (GEI) emitidos durante todo o ciclo de vida do produto dende a extracción de materias primas, procesado, fabricación e distribución ata o final da súa vida útil, depósito, reutilización ou reciclado

 
Unha vez determinadas as fontes de emisións de GEI pódense tomar medidas para a súa redución. A pegada de carbono identifica as fontes de emisións de GEI dun produto. Isto polo tanto permite definir mellor os obxectivos, establecer políticas de redución de emisións máis efectivas e iniciativas de aforros de custo mellor dirixidas, todo iso consecuencia dun mellor coñecemento dos puntos críticos para a redución de emisións, que poden ou non poden ser de responsabilidade directa da organización.

Cal son os Gases de Efecto Invernadoiro (GEI)?

• Dioxido de Carbono CO2
• Metano (CH4)
• Oxido de Nitroxeno (N2O)
• Hidrofluorocarbonos (HFC)
• Perfluorocarbonos (PFC)
• Hexafluoruro de Xofre (SF6)
• Trifluoruro de Nitroxeno (NF3) dende 2012

Como o CO2 é o que maior influencia ten no quentamento (aprox. 80%) é o que toma como referencia, sendo así a unidade de medida toneladas de CO2 equivalentes (tCO2eq) ou os seus múltiplos.

Para que me serve calcular a pegada de carbono?

• Identificar oportunidades de aforro. Se se identifican as fontes de GEI e se intenta reducir as emisións, como a maior parte deles se derivan de consumos enerxéticos, estarase a conseguir un aforro económico.

• Mellora da reputación corporativa. Pódense identificar novas oportunidades de negocio cuns clientes cada vez máis sensibilizados co medio.

CLASIFICACIÓN DAS EMISIÓNS

• Emisións directas: as fontes de emisión son propiedade ou están controladas pola organización.

• Emisións indirectas: debidas á actividade pero non son propiedade ou están controladas pola organización.

CLASIFICACIÓN POR ALCANCE

• Alcance 1: Emisións directas de GEI que provén de fontes que son propiedade ou están controladas pola empresa. Combustion en Caldeiras, fornos, vehículos, fugas CH4, aire acondicionado, etc

• Alcance 2: Emisións indirectas de GEI asociadas á electricidade: emisións da xeración de electricidade adquirida e consumida pola empresa.

• Alcance 3: Outras emisións indirectas que nos son propiedade nin están controladas pola empresa. Actividades de loxística e transporte realizados por terceiros, transporte de materias primas, compra de produtos ou servizos doutras organizacións.